Anjane Me Gunaah Karne Ka Hukm (Urdu)

*بسم اللّٰه الرّحمٰن الرّحيم*

*صلّى اللّٰه على النّبىّ الاُمّىّ وآلهٖ صلّى اللّٰه عليه وسلّم*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*انجانے میں گناہ کرنے کا حکم*

*اعلیٰ حضرت عليه رحمة ربّ العزّت فرماتے ہیں :*

*جہل ( نہ جاننا ) اس کے ( گناہ کبیرہ کرنے والے کے ) گناہ کبیرہ ہونے سے خارج نہ کرے گا بلکہ جہل خود دوسرا گناہ کبیرہ ہے، ولہذا حدیث میں ہے :*

*عالم کا گناہ ایك گناہ ہے اور جاہل کا گناہ دوہرا گناہ¹۔*

( فتاویٰ رضویہ ج ١٣ ص ٣٨٩ مسئلہ ١٣١ )

*اور ایک مقام پر فرمایا :*

*مسائل سے ناواقف رہنا خود گناہ ہے، اس لئے حدیث میں آیا :*

*رسول ﷲ صلی ﷲ تعالٰی علیہ وسلم نے فرمایا عالم کا ایك گناہ اور جاہل کا گناہ دو گناہ، کسی نے عرض کی: یا رسول ﷲ! (صلی ﷲ تعالٰی علیہ وسلم ) کس لئے؟ فرمایا عالم پر وبال اسی کا ہے کہ گناہ کیوں کیا، اور جاہل پر ایك عذاب گناہ کا اور دوسرا نہ سیکھنے کا۔²*

( فتاویٰ رضویہ، ج ٩، رسالہ : النھی الحاجز عن تکرار صَلاۃ الجنائِز، ص ٢٨٣، مسئلہ ٨٣ )

*اور اعلی حضرت کے ملفوظات میں ہے :*

*جہل ( نہ جاننا ) خود گناہ ہے، ہمارے علماء نے احکام شرعیہ ( شرعی احکام ) شرق سے غرب ( East To West ) تک روشن کردۓ اور قرآن عظیم میں فرمایا :*

*فَسْئَلُوٓا اَهْلَ الذّكْرِ اِنْ كُنتُمْ لَا تَعْلَمُونَ..*
*( سورہ نحل : ٤٣ )*
*تمہیں نہ معلوم ہو تو جاننے والوں سے پوچھو۔*

*( اعلی حضرت فرماتے ہیں ) اب نہ جاننے والے کی غلطی ہے کہ اس نے کیوں نہ سیکھا ؟*

( ملفوظات اعلی حضرت حصہ ١ ص ٧٦ )

_________________________________

1) ( کنز العمال بحوالہ فر،عن ابن عباس رضی اﷲ تعالٰی عنہ حدیث ٢٨٧٨٤ موسسۃ الرسالہ بیروت ١٠/١٥٣ )
( کنز العمال بحوالہ فر،عن ابن عباس رضی اﷲ تعالٰی عنہ حدیث ٢٨٩١١ موسسۃ الرسالہ بیروت ١٠/١٧٥ )
2) ( الفردوس بماثور الخطاب حدیث ١٣٤٥ درالباز مکۃ المکرمۃ ٢/٢٤٨ )