Mazameer ( Music ) Ka Hukm (Urdu)

*بسم اللّٰه الرّحمٰن الرّحيم*
ــــــــــــــــــــــــــــــــــــــــــــــــ

*مزامیر حرام ہیں، بخاری شریف کی حدیث صحیح میں*

*1) حضور اقدس صلی ﷲ تعالٰی علیہ وسلم نے ایك قوم کا ذکر فرمایا :*
*زنا اور ریشمی کپڑوں اور باجوں کو حلال سمجھیں گے۔*
*اور فرمایا : وہ بندر اور سور ہوجائیں گے۔*

( صحیح البخاری کتاب الاشربہ باب ماجاء فی من یستحل الخمر الخ قدیمی کتب خانہ کراچی ۲ /۸۳۷ )

ـــــــــــــــــــــــ

*2) نبی پاک صلی اللہ علیہ وسلم نے فرمایا : ﷲ تعالٰی نے مجھے جہانوں کے لیے رحمت اور جہانوں کے لیے ہدایت بھیجا اور مجھے میرے عزت و جلال والے رب نے حکم دیا باجوں، بانسری، الغوزوں اور بتوں اور صلیبوں اور جاہلیت کی چیزیں مٹانے کا۔*

( مشکوٰۃ شریف الحدیث : ٣٦٥٤ )

*ـــــــــــــــــــــــــــــــــــــــــــــــــــــــ*
*اس حدیث شریف کی تشریح :*

*یعنی مجھے رب تعالٰی نے حکم دیا ہے کہ ہر باجہ گانے کو مٹادوں۔*
( مرآۃ تحت الحدیث : ٣٦٥٤ )

*ـــــــــــــــــــــــ*
الغوزہ : ایک قسم کی دوہری بانسری کو کہا جاتا ہے، اس کو انگریزی میں : Alghoza کہا جاتا ہے جو کہ ایک موسیقی کا آلہ ہے یعنی ایک : Musical Instrument

*ـــــــــــــــــــــــــــــــــــــــــــــــــــــــــــــــــــــ*

3) *سرکار دو عالم صلی الله تعالى عليه وسلم کا فرمان ہے : گانے باجے سے اپنے آپ کو بچاؤ کیونکہ یہ شہوت کو ابھارتے اور غیرت کو برباد کرتے ہے اور یہ شراب کے قائم مقام ہے اس میں نشے کی سی تاثیر ہے۔*

( تفسير در منثور ج٦ ص٥٠٦، دار الفکر بیروت )
( شعب الإيمان ج٤ ص٢٨٠ حديث ٥١٠٨، دار الکتب العلمیہ بیروت )
( نیکی کی دعوت حصۂ اول، ص ٤٨٥, مکتبۃ المدینہ دعوت اسلامی )

ـــــــــــــــــــــــ

4) *سرکار مدینہ صلى الله تعالى عليه وسلم نے فرمايا : جو گانے والی کے پاس بیٹھے، کان لگا کر دھیان سے سنے تو اللہ بروز قیامت اسکے کانوں میں سیسہ انڈیلیگا۔*

( ابن عساكر ج ٥١ ص ٢٦٣، دار الفکر بیروت )
( نیکی کی دعوت حصۂ اول، ص ٤٨٥, مکتبۃ المدینہ دعوت اسلامی )

*ـــــــــــــــــــــــــــــــــــــــــــــــــــــــــــــــــــــــــــــ*

فقہ حنفی کی بڑی بڑی کتابیں،

*ہدایہ وغیرہ کتب معتمدہ میں تصریح ( یعنی صاف طور پر ان کتابوں میں ) ہے کہ مزامیر (  گانے بجانے کی چیزیں ) حرام ہیں۔*
( فتاویٰ رضویہ جدید، ج ٢٤، ص ١٣٩، مسئلہ ٣١، رضا فاؤنڈیشن لاہور )

ـــــــــــــــ

*حضرت علامہ شامی رحمۃ اللہ تعالیٰ علیہ فرماتے ہے : بانسری اور دیگر سازوں کا سننا بھی حرام ہے، اگر اچانک سن لیا تو معذور ہے اور اس پر واجب ہے کہ نہ سننے کی پوری کوشش کریں۔*
( رد المحتار ج ٩ ص ٦٥١، دار المعرفۃ بیروت )

ـــــــــــــــ

*حضرت سلطان الاولیاء محبوب الٰہی نظام الحق والدّین رضی ﷲ تعالٰی عنہ فرماتے ہیں : مزامیر حرام ست۔ ( یعنی گانے بجانے کے آلات حرام ہیں )*
( فوائد الفواد )
( فتاویٰ رضویہ جدید، ج ٢٤، ص ١٣٩، مسئلہ ٣١، رضا فاؤنڈیشن لاہور )

ـــــــــــــــ

*اعلی حضرت رحمۃ اللّٰہ تعالیٰ علیہ فرماتے ہیں :*
*مزامیر حرام ہیں۔*
( فتاویٰ رضویہ جدید، ج ٢٤، ص ١٣٩، مسئلہ ٣١، رضا فاؤنڈیشن لاہور )

اور فرمایا :
*مزامیر ( کا ) سننا گناہ ( ہے )۔*
( فتاویٰ رضویہ، ج ١٥، ص ١٥٥، مسئلہ ٢٠ )

اور فرمایا :
*طبلہ، سارنگی، ڈھولک، ستار یا ناچ یا عورات کا گانا یا فحش گیت وغیرہ وغیرہ جن آوازوں کا فونو سے باہر سننا حرام ہے بلا شبہہ ان کا فونو سے بھی سننا حرام ہے۔*

( فتاویٰ رضویہ ج ٢٣، رسالہ : الکشف شافیا حکم فونوجر افیا، ص ٤٣٨، مسئلہ ١٧٣ )

ــــــــــــــــــــــــــــــــــــــــــــــــ
مزامیر : گانے باجے کا ہر ساز، باجا، بانسری وغیرہ۔ یعنی موسیقی سننا حرام۔