Hassan Haseeburrahman Ka Radd, Hassaan Janab Ka Radd, Afzaliyyate Siddeeq Akbar, Mas`ala E Tafzeel, Imane Abu Talib, Abu Taalib Ka Eemaan ?

 Haseeb-Ur-Rahman Ye Aise Shakhs Ka Naam Hai Ko Ek Peerzada Hai, Kuch Shohrat Yafta Hai, Zahiran Sunniyat Ke Dawe, Zaban Se Ala Hazrat Ke Naare To Hote Hai, Par Us Zahir Ke Peeche Ek Alag Hi Batin Chupi Huwi Hai, Jis Ko PSi Par Dekh Kar Log Bade Hairaan O Pareshaan Hogaye.

Dekhne Par Pata Lagta Hai Ke Pehle Hi Se Unki Rafizi Mizajion Se Mulaqat Hoti Thi Par Ab Tak Izhaare Siyahi Shayad Na Hosaki Par Ab Woh Rafizi Zang Sangeen Alfaaz Ke Sath Ubhar Kar Wazeh Hogayi.

Chand Hafton Qabl Ek Taqreer Me Pirzade Ne Abu Talib Ke Eeman Ke Hawale Se Apni Taqreer Me Bohut Ghuloo Se Kaam Liya, Unke Mutabiq Jo Abu Talib Ke Jannat Me Jaane Ke Qaail Nahi Woh Yazeed Ke Jannati Hone Ke Qaail Hai! Pata Nahi Is Zade Ko Kahan Se Aise Log Milgaye Jo Yazeed Paleed Ko Jannati Sabit Karne Par Tule Hai? Ya Sirf Ye Taqreer Me Mehaz Alfaazi Banawat Thi ? 

Kaha To Tha Ke Eemaan Ki Daleel Ham Bad Me Pesh Karenge Par Kiya Koyi Daleel Nahi, Siwaye Kuch Tifli Baaton Ke, Apni Man Mani Aqli Dalaail Ko Bade Cheekh O Pukaar Ke Saath Bayaan To Kiya, Par Woh Baaten Dalaail Kehlwane Ke Daraje Par Bilkul Nahi!

Ek Unki Daleel

Ashaabe Kahaf Ke Sag Yani Kutte Ke Hawale Se Kaha Ke Woh Jannat Me Jaayega Par Woh Abu Talib Kyu Nahi ? Unke Dimagh Me Kya Itni Baat Bhi Na Aayi Ke Us Sag Ka Jannat Me Jaana Aur Kisi Insan Ka Jannat Me Jaana Kya Donon Barabar Hai ? Bilkul Nahi!, Nisbat Se Hi Faqat Jannat Beghair Eemaan Ke Mil Jaati To Phir Abu Lahab Ko Bhi Usi Fehrist Me Kyu Nahi Daal Lete ? Uski Nisbat Ko Bhi Dekhen! Hazrate Abdul Muttalib Ka Beta, Hazrate Sayyiduna Abdullah رضى اللّٰه تعالى عنه Ka Bhayi!, Aur Rishte Me Do Jahan Ke Sultaan, Rahmate Alamiyan صلى اللّٰه تعالى عليه وسلم Ka Chacha!, Aur Phir Munafiqeen Ka Muamlah Ke Woh To Dare Rasool ﷺ Par Hazir Hote The, Phir Kuch Murtadeen Aise Bhi Huwe Jo Pehle Rasoole Arabi ﷺ Par Eemaan To Laaye Par Badme Phirgaye! 

Ye To Bohut Badi Nisbat!, Ke Kayenaat Jinke Khaatir Banaaye Gaye Us Saahibe Laulaak ﷺ Se Nisbat Yahan Paayi Gayi Par Jannat Me Jaane Ke Liye Eemaan Buniyadi Shart Hai, Jis Ka Qurane Paak Me Hi Zikr Maujood Hai.

Phir Shaane Ahle Bait Ke Hawale Se Kuch Ash'aar Padhe Gaye Halanke Woh Ash`aar Bradare Ala Hazrat Maulana Hasan Raza Khan رحمة الله تعالى عليه Ke Hai!, Eemaane Abu Talib Ke Jo Qaail Nahi Unpar Dushmanane Ahle Bait Ki Bohtan Chaspa Na Karega Magar Ajhal Shakhs Ke Khud Ala Hazrat Ka Mukammal Ek Risala Isi Mas`ale Me Maujood Aur Unka Muaqqif Bilkul Wazeh Ke Abu Talib Eemaan Nahi Laaye The!.

Unki Doosri Daleel Ke Yateem Ki Fazilat Par Taqreeban Wahi Nisbat Waali Baat Kargaye, Unke Mutabiq Kisi Nabi Ki Kifalat Karne Waala Qat'ee Jannati Hai, To Phir Firoun Ko Najane Kahan Rakhenge ? Hazrate Moosa عليه السلام Ne Usi Firoun Ke Mehal Me Parwarish Paayi!, Yahan Ye Wazeh Rahe Ke Abu Talib Aue Firoun Me Koyi Munasibat Nahi Kahan Woh Jhoota Uloohiyyat Ka Dawedaar Aur Nabi Ke Qatl Pe Tulne Wala Shakhs Aur Kahan Nabi Ki Difa' Aur Nabi Ki Himayat Karne Waale Saahab! Ye Faqat Misal O Tamseel Ke Liye Arz Ki Gayi Ke Har Nabi Ka Kafeel Ya Kisi Yateem Ka Kafeel Jannati Bane Zaroori Koyi Nahi Kyunke Kifalat Ki Fazeelat Faqat Eemaan Walon Ke Liye Hi Hai, To Inke Dalaail Kahi Pahunchne Se Pehle Hi Atak Jaate Hai, Zahir Hai Khud Sakhta Usool Deen Me Lagaye Jaaye To Phir Yahi Tazaad Dekhne Me Aaye, Apne Hudood Se Badh Kar Bolenge To Aisi Zarben Khaayenge Ke Zindagi Bhar Bhool Na Paye.

Aur Phir Muqarrir Ne Is Baat Ko Bhi Qabool Karliya Ke Eemaan Na Laane Ki Hadees Bhi Maujood Hai, To Jab Hadees Maujood Hona Aapko Qabool Hai To Phir Kyu Is Par Itni Shiddat ? Jab Hadees Se Saaf Taur Par Eemaan Na Laane Ki Daleel Payi Jaati Hai To Phir Kyu Aamaal Aur Nisbat Ke Fazail Se Jannati Qaraar Dene Ki Koshish Kar Rahe Hai ? Balke Is Mas`ale Me Quran Ki Aayaat Bhi Maujood Hai Jo Is Par Daall Hai Ke Abu Talib Eemaan Nahi Laaye The!.

Abu Talib Ka Yaqinan Huzoore Aqdas ﷺ Se Nisbat Zaroor Tha!, Pyaare Aaqa ﷺ Ki Hifazat Karne, Madad Karne, Himayat O Kifayat Karne Me Poori Zindagi Masroof Rahe, Apni Aulaad Se Bhi Zyada Huzoor ﷺ Ko Azeez Rakkha!, Kayi Qaseede Mustafa Jaane Rahmat ﷺ Ki Unse Manqool Hai, Magar In Umoor Se Eemaan Saabit Nahi Hota, Kaash Ye Af`aal ( Ye Kaam ) Ye Aqwaal ( Ye Qaseede ) Unse Halate Islaam Me Saadir Hote To Sayyiduna Abbaas Balke Zahiran Sayyiduna Hamza رضی اللہ تعالیٰ عنہما Se Bhi Afzal Qaraar Paate.

( ماخوذ از فتاوی رضویہ، ج ٢٩، ص ٦٥٨-٦٥٩، مسئلہ : ٢١٥، رسالہ : شرح المطالب فی مبحث ابی طالب، رضا فاؤنڈیشن، لاہور, بتغیر قلیل۔ )

Imaam Baghavi, Imaam Nasafi, Imaam Fakhruddeen Raazi, Sahibe Jalalain, Imaam Navavi, Allama Ibne Hajar, Sahibe Hidaya, Shaikh Shahabuddin Khifaji, Allama Aini, Allama Manaawi, Imaam Qastalani, Maulana Ali Qaari, Allama Ibraheem Halabi, Shaikhe Muhaqqiq, Allama Tahtaavi, Allama Zurqani, Allama Ibne Abideen Shaami Waghaira Kayi Buzurgaane Deen Balke Sahaaba E Kiraam رضى اللّٰه تعالى عنهم Se, Balke Khud Maula E Kayenaat, Aliyyul Murtaza, Shere Khuda كرم الله تعالى وجهه الكريم Aur Tabaeen Se, Tabeen Me Hamare Imaam Imaame Azam Abu Hanifa رضى اللّٰه تعالى عنهم Phir Kayi Tab'e Tabeen O Mufassireen O Shariheen O Burgaane Deen Se Manqool Yahi Hai Ke Abu Talib Eemaan Nahi Laaye!.

Cheenkh Zade Ke Nazdeek 'Abu Talib Ke Jannati Hone Ke Khilaf Aqeeda Rakhna Lanati Aqeeda Hai' Inki Ye Baat Kitni Sakht Hai Har Zee Aql Par Ye Bilkul Wazeh....